Zona e krijuesve

Dasmë perëndish-Nga Vangjush Ziko

Nga: Vangjush Ziko

Shi me diell kam parë
martohen ciganët,
hedh qielli diamantë 
me vezullime acari,
daulles së ngrirë të liqenit
i bie me shkop prej ari
vetë dielli,
flokët e borës vallëzojnë
si mjelma liqeni
nga baleti i Çajkovskit,
nusen tokë mbulojnë
me vellon kockë,
me fishkëllima acari
kallamat e ngrirë këndojnë,
qiellin me tokën 
perënditë martojnë.

20 Janar, Toronto, -30 C

Tagged under Vangjush Ziko