Shëndet

Dobësohemi duke ngrënë vezë

Dietologia australiane Sharon Natoli, zbuloi se vezët janë sekreti për të pasur një trup fantastik. Ajo shpjegoi se nuk është nevoja për të përdorur pluhura proteinike të kushtueshme, duhet të shtoni vetëm vezë në dietën tuaj dhe do arrini rezultatet që keni dëshiruar gjithmonë.

Natoli ndau me lexuesit e “Daily mail” recetën e saj të preferuar me përbërje veze, gjithashtu listoi dhe përfitimet shëndetësore të vezëve – duke përfshirë humbjen e peshës.
Studimet tregojnë se një mëngjes i pasur me proteina mund të heqë urinë dhe të çojë në konsum më të ulët të ushqimeve me yndyrë të lartë. Vezët gjithashtu përmbajnë shumë vitamina B, përfshirë vitaminat B12, B5, biotinë, tiaminë dhe riboflavin së bashku me selen. Këto ju ndihmojnë për të ruajtur lëkurën, flokët dhe thonjtë e shëndetshëm duke ushqyer qelizat, duke nxitur elasticitetin e lëkurës dhe duke luftuar dëmet e shkaktuara nga radikalët e lirë. Përfitime të tjera përfshijnë një sistem imunitar më të fortë, memorie të mirë dhe muskuj të fuqishëm.

Çfarë ju duhet:
1 filxhan me tërshërë
2 gota uji ose lëng perimesh
2 vezë të ziera
1 avokado
Kripë + piper

Përgatitja:
Shtoni tërshërë në një tigan dhe pasi të fitojë nxehtësi mjaftueshëm shtoni ujin. Gatuajini bashkë, për disa minuta dhe ndajini në dy pjata. Shtoni disa feta avokado dhe një vezë të zier sipër. Shtoni kripë, piper dhe servrireni.

Burimi: Anila Kalleshi's Center