Fëmijët e Diasporës – Leari, djaloshi që ëndërron të bëhet aktor filmash

Në këtë periudhë kur i madh e i vogël ndodhen mbyllur në shtëpi duke pritur ditë më të mira të vijnë, FlasShqip mendoi të angazhojë në portal edhe fëmijët e diasporës shqiptaro-kanadeze. Po shohim ditë pas dite kush janë ata dhe çfarë mendojnë. U kemi drejtuar pyetje të shkurtra e tek-tuk ndonjë pak më të ndërlikuar. Falenderojmë prindërit për bashkëpunimin dhe fëmijët për seriozitetin dhe çiltërsinë.

Pyetje 1: Kush je ti?

Unë jam Lear Xharra.

Pyetje 2: Ku ke lindur?

Kam lindur në Montréal.

Pyetje 3: Në ç’klasë je?

Jam në klasën e peste.

Pyetje 4: Ku jeton?

Jetoj në Montréal.

Pyetje 5: Cili është hobi yt?

Hobi im eshte basketbolli dhe Fortnite.

Pyetje 6: Po lënda e preferuar në shkollë?

Lënda ime e preferuar është matematika.

Pyetje 7: Cilat janë fjalët më të pëlqyera për ty në gjuhën shqipe?

Fjalët më të pëlqyera në gjuhën shqipe janë kuq e zi.

Pyetje 8: Cilën fjalë apo shprehje përdor më shpesh në frengjisht?

Fjala që përdor më shpesh në frengjisht është “merci”.

Pyetje 9: Identifiko dot një nga tiparet e personalitetit tënd që të bën të ndihesh më shumë shqiptar?

I sjellshëm, sepse shqiptarët janë të sjellshëm.

Pyetje 10: Ç’lloj punësh shtëpie bën për të ndihmuar prindërit?

Shtroj tavolinën dhe ndihmoj për të hedhur plehrat.

Pyetje 11: A shpërblehesh për këto punë?

Më lejojnë të luaj pak më shumë online.

Pyetje 12: Ka ndonjë gjë që nuk të pëlqen te shqiptarët?

Nuk më bie ndërmend ndonjë gjë.

Pyetje 13: Na thuaj një të drejtë që të shkelet?

Qesh… Do të kisha dashur të luaja më shumë online.

Pyetje 14: Kujt i ankohesh për këtë?

Flas me vëllain tim të vogël.

Pyetje 15: Sa libra ke lexuar në shqip?

Për momentin jam duke mësuar të lexoj shqip.

Pyetje 16: Si e kaloje kohën e lirë para Coronavirus?

Luaja jashtë me kushërinjtë dhe shokët. Bënim aktivitete të ndryshme me familjen.

Pyetje 17: Po tani çfarë bën gjithë ditën në shtëpi?

Detyrat e shkollës, lojë online, flas me kushërinjtë në Kosovë.

Pyetje 18: Cila është frika jote më e madhe?

Kam frikë që Coronavirusi do të vazhdojë edhe shumë kohë.

Pyetje 19: Po ëndrra jote më e madhe?

Të bëhem aktor filmash komedi.

Pyetje 20: Sa fëmijë duhet të ketë një familje?

3, një motër dhe dy vëllezer.

Pyetje 21: Më shpjegon dot me 2-3 fjalë ç’do të thotë të jesh fëmijë?

Argëtim, të jesh i rrethuar me dashuri dhe detyra shkollore.

Pyetje 22: Pse disa të rritur kanë mall për fëmijërinë dhe thonë “Ah sikur të isha edhe një herë në atë moshë!

Sepse sa je i vogël, dëshiron të rritesh dhe kur rritesh, ke mall për rininë.

Pyetje 23: Çfarë këshille do t’u jepni të rriturve në këtë kohë?

Të mbrohen, të rrinë në shtëpi dhe të përfitojnë nga jeta me familjen.

Shënim:

Të dashur prindër e fëmijë, nëse jeni të interesuar të merrni pjesë në rubrikën “Fëmijët e Diasporës”, lutemi na kontaktoni në Questo indirizzo email è protetto dagli spambots. E' necessario abilitare JavaScript per vederlo. ose në faqen tonë në Facebook. Intervistat e fëmijëve do të jenë një kujtim i bukur për ta kur të rriten. Faleminderit!