Zona e krijuesve

Kristaq Turtulli: Lagjja Teologe

Më pëlqente të shëtisja

në lagjen Teologe,

ngritur mes një pylli

me luleshqerra.

Anës një lumi,

ku lundronin dhe kuakin pata.

Me shtëpi të bukura,

si prej kukulle,

të pastra, si drita, të bardha,

rrethuar me pemë dhe lule.

Çdo mëngjes shihja

dhe përshëndesja,

flokë argjënda,

pleq dhe plaka.

Kur fshinin trotuare

punonin në kopshte.

Dhuronin tufa rreze drite

me buzëqeshje.

Dje kalova dhe s’i pashë,

të gjithë i kishte marrë era.

Në vend të tyre

vetëm kinezë,

gjeta...

Tagged under Kristaq Turtulli