Zona e krijuesve

Kristaq Turtulli: Kujtime…

Një thinjë, dy, njëqind, njëmijë,

Te qoshku mbeti çunaku, luan lojë lufta.

Ajri e treti frymën e fëmijërisë,

Pëllumb i bardhë i nënës u bë puthja.

 

Në pyllin e jetës ra bryma e parë,

Humbi gugu-ftuja e ëmbël në ahishta,

Herë u bë flutur dhe herë thëllëzë,

E tok me të rinia, e bukura, e brishta.

 

Pishat e rralla u mbuluan nga bora e rëndë.

Hëna e grindur numëron yjet me gishta,

Noton mosha, mbijeton në detin me dallgë.

Në jastëkun e memories më cytin kujtimet e trishta...

Tagged under Kristaq Turtulli