Komunitet

Një nesër tjetër

NJË NESËR TJETËR

Nesër
do të thotë dita tjetër
akoma nën gunën e natës strukur,

duhet të zgjohet
pa t'i them mirëmëngjes
prognozës së bukur.

Kafe e mëngjesit buzë trotuarit
më erdhi me kajmak,

gazeta si më parë
me pika gjaku
nga afër e nga larg.

Çdo mëngjes pres
të gdhihet një nesër tjetër
t'i them mirëmëngjes,
(qoftë e vrenjtur pus, 
me rrebeshe e lus),

vetëm 
pa këtë makth në shpirt,
pa tatuazhe gjaku 
në mish.

Tagged under Vangjush Ziko