Zona e krijuesve

Kockat e fildishta - Nga Vangjush Ziko

Jo shtëpi
po kukull nur
muret gur më gur
me gëlqere të bardhë
lyer

Kotet e bukura
si kostumi
në stendat e muzeut
veshur
me ëndrrat e shtrenjta

Vila përbri
(stolisur si ruspi)
ia thyen tjegullat
prej argjili të pjekur
me hijen e saj
beton dhe hekur

I kërcasin kockat
e fildishta
krak-kruk
qytetit tim

Moderni shekull
e shkel fodull