Kanada: Kur diplomatët kërkojnë statusin e refugjatit politik

Sipas një raporti të  Qeverisë  Kanadeze, më shumë se 100 persona me status diplomatik kanë kërkuar strehim në Kanada gjatë 10 viteve të fundit. Lajmi konfirmohet nga Radio-Canada.

Nga marsi i vitit 2016 e deri në  fund të  prillit 2018, numërohen 30 raste kërkesash azili, për një  numër total prej 104 diplomatësh dhe familjarësh të  tyre. Gjithsesi, raporti në  fjalë  nuk përmend emrin e vendeve të  origjinës.

Sipas Janet Dench, drejtuese e Këshillit Kanadez për Refugjatët, edhe pse diplomatët konsiderohen si persona “të  privilegjuar”, janë  rrethana të  caktuara që  i shtyjnë  ata të  marrin vendimin për të braktisur vendin e origjinës.

Motive për kërkesa të  tilla citohen më së shumti ndyshimet e qeverive apo fakti që një regjim i caktuar kryen shkelje të  përsëritura të të drejtave të njeriut. Për rrjedhojë, disa diplomatë ndihen më të sigurt për jetën duke qëndruar në  Kanada.

Janet Dench ka konfirmuar gjithashtu që shyrtimi i kërkesave nga ana e Qeverisë  Kanadeze bëhet rast pas rasti dhe bazohet në  kritere rigoroze që ndihmojnë të  kuptohet cilat janë  kërkesa legjitime. Kësisoj, secila dosje azili gjykohet me paanësi nga Komisioni i Emigracionit dhe Statusit të Refugjatit, që është institucion i pavarur.

Burimi: Radio-Canada