Disa dhe të tjerë …

Nga: Endrit Mullisi

Disa i lënë kujtimet përmes shkrimeve, të tjerë përmes impaktit personal që kanë patur në ndryshimin e të tjerëve.

Disa i vlerësojmë kur i kemi rrotull, të tjerë kur nuk i kemi më.

Disa do të donim të mos i kishim në jetën tonë, por negativiteti i tyre na ndihmon të vlerësojme sa të ngjashëm me ta jemi dhe nëse duam të jemi ndryshe.

Disa gabimisht i adhurojmë qofte dhe pa dashje dhe më pas i fajësojmë për rrëzimin tonë.

Disa na mashtrojnë dhe të tjerëve në i hedhim hi syve.

Disave duam t'i ngjajmë nga paraqitje dhe të tjerëve nga shpirti.

Disave u lakmojnë pasurinë dhe të tjerëve mirësinë.

Disave u mbajmë mend të këqijat të tjerëve u kujtojmë të mirat.

Disave ua mbajmë borxhet, të tjerëve ua falim lehtësisht.

Disa do i kemi bashkudhëtare në përjetësi, të tjerëve ndoshta do ua harrojmë emrat.

Për disa do derdhim lot gëzimi dhe për të tjerë lot të hidhur.

Disa do na tërheqin në rrugën e gabuar, por të tjerë do na ofrojnë rrugëdalje.

Disa do na ofrojnë ëmbëlsira helmuese dhe disa do na japin ilaçe të hidhura.

Disa i kemi familje gjaku pa asnjë mundim, të tjerë i ftojmë t'i kemi në familjen e shpirtit me plot sprova.

Disa...