Iluzioni Carney: Është koha të hapim sytë - Nga Elsie Lefebvre

Nga: Elsie Lefebvre - Journal de Montreal

“Ai është bankier dhe do na shpëtojë nga Donald Trump”. Kjo është formula joshëse, por sa më shumë mësojmë për këtë njeri, aq më shumë llampa të kuqe ndizen e na tërheqin vëmendjen.

Që në ditët e tij të para si kryeministër, ai i dha një shuplakë të fortë Kebekut: suprimoi ministrin e Gjuhëve Zyrtare; emëroi këshilltar Mark Wiseman, ideatorin e Iniciativës së Shekullit që proklamon një politikë delirante imigracioni; emëroi ministre Imigracioni Rachel Bendayan, personin që mohon tkurrjen e frëngjishtes; nuk futi në qeveri asnjë ministër nga kryeqyteti i provinces tonë.

Një liberal mbetet gjithmonë një liberal

Është koha të përballemi me realitetin. Aspak shpresë nuk duket në horizont për Kebekun.

A do të votojmë për një kryeministër që nuk di të bëjë dallimin mes masakrës në Politeknik dhe asaj në Konkordia? Që e drejton fushatën e tij nga Toronto dhe na flet si “E.T. telephone home” me programin e tij “Bâtir Maison Canada” (Ndërto Shtëpi Kanada)? Një kryeministër që tashmë ka shpallur se do të atakojë ligjin 96 mbi frëngjishten në Gjykatën e Lartë? Dhe që nuk ka dhënë asnjë premtim për imigracionin?

Mjeshtër i parajsave fiskale dhe shmangies së taksave

A do të votojmë vërtet për një kryeministër që është mjeshtër i parajsave fiskale dhe shmangies së taksave për kompaninë e tij? Një kryeministër që ka drejtuar një kompani kanadeze që nuk ka paguar asnjë dollar taksë për tre vitet e fundit? Një kryeministër që e zhvendosi selinë e tij nga Toronto në Nju Jork ndërsa kriza me SHBA kishte filluar? Një kryeministër që pretendon të jetë i gjelbër, por ka shkatërruar pyje në Amazonë?

E kuptoj që kërcënimi i Trump na shqetëson, por ai nuk është problem vetëm për Kanadanë. A po qeverisen vendet e tjera vetëm në funksion të Trump? Jo. Për më tepër, mezi pres të shoh nëse Kanadaja do të përfitojë më shumë se Meksika. Kjo do të përcaktojë nëse Mark Carney do të ndryshojë vërtet diçka në lidhje me planet e Trump.

Është koha të hapim sytë, sepse mund të zgjohemi me një dhimbje koke të tmerrshme që do të zgjasë katër vjet!

Burimi: Journal de Montreal