Ontario shton numrin e ftesave për kandidatët e Express Entry

Tërheqja e shortit për punonjësit me profesion  dhe e  punonjësve të kualifikuar që flasin gjuhën frënge vazhdoi  javën e saj të shtatë.

Ontario ka siguruar më shumë ftesa nëpërmjet linkut Express Entry për grupin e punonjësve me profesion  dhe  punonjësve të kualifikuar që flasin gjuhën frënge.

Raundet e fundit të ftesave u mbajtën më 23 dhe 24 maj dhe siguruan një total prej 64 Njoftime të Interesit (NOI) (Notification of Interest) për kandidatët më të  përshtatshëm në Express Entry. 

Shortet në Ontario vazhdojnë duke u kryer raunde të përjavëshme  për të dyja këto grupe që nga java e dytë e prillit.

Programi i Nominimit të Emigracionit të Ontarios (OINP) tha se 30 kandidatët e   Express Entry të cilët fituan ftesën e grupit të Punonjësve të Kualifikuar, paraqitën profilin e tyre  në periudhën  1 janar-23 maj 2018, ndërsa 34 kandidatët e Express Entry të ftuar përmes grupit të Punonjësve të Kualifikuar  frengjishtfolës, paraqitën profilin e tyre në periudhën  1 janar-24 maj 2018.

Nuk ka një kërkesë për një rezultat minimal në Sistemin e Renditjes Gjithëpërfshirës (CRS) për kandidatët e çdo grupi si dhe për   ata të  Express Entry   të cilët janë të nominuar nga Ontario të marrin 600 pikë shtesë në  rezultatin e tyre CRS.

Ontario ka publikuar 727 NOI (Notification of Interest) në grupin e Punonjësve të Kualifikuar që nga fillimi i vitit 2018. 502 kandidatë të Express Entry NOI i ka marrë përmes grupit  të punonjësve të kualifikuar  frengjishtfolës.

Ontario gjithashtu ka lëshuar 2.587 NOI në vitin 2018 përmes Grupit të Prioriteteve të Kapitalit Njerëzor, i cili gjithashtu lidhet me sistemin e Express Entry.  

OINP (Programi i Nominimit të Emigracionit të Ontarios) thotë se do të vazhdojë lëshimin e NOI për kandidatët Express Entry federalë, të cilët janë të përshtatshëm  për një nga grupet e  Express Entry sipas kushteve të zakonshme.

Grupi i Punonjësve të Kualifikuar është për punëtorët e kualifikuar me një profil të vlefshëm në Express Entry, të cilët janë të përshtatshëm për Klasën me Përvojë Kanadeze dhe kanë përvojë pune në një profesion të kualifikuar të  vlefshëm.

Grupi i Punonjësve të Kualifikuar Frengjishtfolës u lançua në vitin 2015 për të synuar kandidatët frengjishtfolës të Express Entry, të cilët kualifikohen në një nga dy grupet: ai i Punonjësve të kualifikuar federalë si dhe  ai i Punonjësve me  përvojë kanadeze dhe që kanë njohuri të mjaftueshme në gjuhën angleze (CLB 6 ose më e lartë).

Ekzistojnë gjithashtu kritere unike provinciale që kandidatët duhet të përmbushin.

Kandidatët e Express Entry, që kanë marrë një NOI në  raundet   e  fundit kanë 45 ditë kalendarike nga data e lëshimit të letrës së NOI për të paraqitur një aplikim online në OINP.

Burimi: cicnews.com

Përgatiti: Ariola Mani