Shije që duhen provuar në Kanada

Kur njeriu udhëton një nga gjërat që ka më tepër qejf të bëjë është të zbuluarit dhe provuarit e gatimeve tradicionale. Nëse shkoni në Kanada, po nuk provuat këto shije, mos tregoni më mirë që keni vizituar Kanadanë.

1. Poutine

Një nga pjatat e shijshme për t’u provuar në Kanadanë franceze është Poutine, një gatim që daton prej 1950. Poutine e vërtetë bëhet me patate të skuqura kërce të zhytyra në lëng mishi, të piperosura dhe të spërkatura me gjizë.

2. Proshuta kanadeze

Ajo që në Kanada njihet si proshutë e pjekur nga europianët konsiderohet si proshutë kanadeze. Ndryshe nga proshuta tradicionale që bëhet nga pjesa e barkut të derrit, proshuta kanadeze është copë mishi e kriposur, e cila mbështillet rreth një kalliri misri. Kjo ka mbetur që nga koha kur Kanadaja eksportonte mish derri në Angli duke e mbështjellë rreth bizeleve në mënyrë që të mos prishej. Me kalimin e kohës kjo praktikë u zëvendësua me misrin. 

3. Kokteili Caesar

I shpikur në 1969 nga një menaxher restoranti në Calgary, Walter Chell, ky kokteil u bë shumë popullor. Formula e tij përbëhet nga lëng clamato (domate me erëza dhe lëng molusqesh), vodka, salcë Worchester dhe shërbehet me gota ose kavanoz me buzë të kriposura.

4. Beavertail

Mendoni një donut jo të hapur në mes. Kjo është baza e beavertail-it. Pra është një brum i cili hapet me dorë duke i dhënë formën e bishtit të kastorit. Receta është trashëguar brez pas brezi nga familja e Graham Hooker i cili ia prezantoi publikut më 1978. Pas një viti ai hapi në Ottawa dyqanin e tij të Beavertail-eve të lyera me sheqer, nutella dhe shumë lloje gjërash të ëmbla.

5. Pica kanadeze

Është një miksim i picës italiane dhe asaj amerikane, brumë i hollë me përbërës gjithë fantazi përfshirë mango, kikirikë, djathë chedar, mozzarella, qepë të karamelizuara, etj. dhe në fund spërkatje me shurup panje.

6. Tarta gjalpi

Konsiderohet si një nga gatimet më të hershme kanadeze. Është si një biskotë e thërmueshme e mbushur me krem gjalpi me sheqer dhe vezë. Ende ka debat nëse duhet shtuar rrush apo jo.

7. Nanaimo bar

Kjo ëmbëlsirë me tre shtresa është e përbërë prej bazës që shkrin në gojë, shtresës së akullt të gjalpit me vanilje dhe çokollatës. Receta është gjetur fillimisht në një libër me titull “Zonjat ndihmëse të Spitalit Nanaimo”. 1 vit më vonë u botua libri i kuzhinës ku ishte përfshirë dhe ajo që besohej se ishte receta me emrin “Nanaimo bar”.

8. Supa me bizele

Për të festuar 400-vjetorin e udhëtimeve të eksploratorit Samuel de Champlain, një shef kuzhine në Ottawa u frymëzua të kërkonte se me çfarë ishin ushqyer fillimisht eksploratorët kur zbritën në tokën kanadeze. Ai mësoi që eksploratorët e parë ushqeheshin me mish dhe bizele të thara. Kjo pjatë është e shijshme dhe pëlqehet ende dhe sot. 

9. Tourtière

Është gatim me origjinë franceze që daton prej 1600 i ngjashëm me byrekun. E merr emrin prej enës ku gatuhet. Mbushet me mish derri, mish lope ose viçi dhe i hidhen plot erëza.  Gatuhet për Krishtlindje ose Vitin e Ri edhe pse në Québec e gjen në çdo stinë.

 

©Flasshqip.ca