Tragjikomedi - Nga Armenida Qyqja

Palaçot mundohen të mbajnë me zor maskat

Ndërkohë që u kanë shkarë

Duke ua marr me vete dhe fytyrat,

Ç'zgavrra të llahtarshme në vend të syve!

Ato vazhdojnë të qeshin, qajnë, qeshin,

Në rrokopujën e tyre

Dhe prapë të mashtrojnë pa pikë turpi,

Në pikë të diellit!

Maska i ka zotruar që ditën,

Orën e parë kur e veshën,

Si në filmin e komedianit amerikan,

Veçse mua s'më vjen të qesh, por ulërij

Boll! Boll u tallët me njerëzit e mi!

© Armenida Qyqja, shkurt 2025