Koloseu i Liliputëve - Nga Artan Gjyzel Hasani

çdo ditë lindet skllavi i parafundit

dhe në prangat e tij komode

në Koloseun e Liliputëve

shpresa ime për vullnete të lira

i dorëzohet fundit…

për të ardhmen e tij

gjithnjë do të vendosë një tjetër

brenda kafazësh të bollshëm e të mirë

jeton i lumtur

jeta e tij është një vullkan i shuar

ku si një cigare ai tymos veten

në të drejtën e tij për të jetuar si skllav

dhe privilegjin e pamundur

për të vdekur i lirë…

(nga vëllimi poetik “OPIUM” 2025)

© artangjyzelhasani