Asgjë tjetër - Nga Artan Gjyzel Hasani

gjysmën e jetës e kalojmë duke u mbrojtur

nga thikat e atyre që kujtuam se na deshën

gjysmën tjetër duke shpresuar e pranuar

miqësine e armiqve që rezultuan të padëmshëm

dhe jeta ka veç dy gjysma për fat

një gjysmë e tretë do të ishte e mjaftë

për t’na i çuar parajsat në ferrin e zjarrtë

dreqi ta hajë këtë luftën tonë të pafund

akoma në sheshbeteja të reja do të vemi?

idiotë të dashur luftarakë

dhe ju intrigantë të pabesë

në të vërtetë

kjo jetë e dhjerë që ikën kaq shpejt

dhe e shajmë me fjalët më të shëmtuara

është e vetmja gjë e bukur që kemi...

(nga vëllimi poetik “OPIUM” 2025)

© artangjyzelhasani