Krijimtari

Meditim në ballkon

Nga: Vangjush Ziko

Ballkonin tim

e mbajnë në krahët e tyre
panjat

kanë zgjatur degët
me gjethe të njoma

(mos gërvishtet betoni
parmakët e hekurt
mos shtrembërohen)

ka ndyshuar bota

patat kanë filluar të imitojnë
avionët prej duralumini

mbi krahët me pupla
mbartin brengat e çelikta
nga një kontinent
te tjetri

po shkrijnë akujt

nuk shkrijnë të shkretat
brengat

flemë në kulla përrallore
ku hëna mbështet ballin
e sedeftë

ende s'kemi parë
ëndrra parajse

po mësohet Bota
me infarktin
si me tështimën

Bota
me pejsmeker
në brinjë

Tagged under Vangjush Ziko