Vangjush Ziko-Kulla e Pizës

ec një jetë të tërë,

hija më ndjek

si qenushi i fëmijërisë

e nuk leh,

e përse të lehë

dhe unë ec e nuk qahem

pesha e fatit

ma zhvendosi qendrën e rëndesës,

(punë e madhe)

Kulla e Pizës

qëndron shekuj e mënjanuar

dhe nuk bie,

do ecim qenushi im

gjer atje ku çlodhen

hijet e mermerta

dehur nga ëndrrat e trëndafilta

(me gjemba nën sqetull)

të gjunjëzuar

si Kulla e Pizës

t'i falemi Zotit.