Vangjush Ziko: Prit e diel!

Nga: Vangjush Ziko

Erdhi përsëri e diela,
siç vjen e shumëpritur,
pa kuptuar ikën,
gjithnjë pa shijuar të gjithën,
gjithnjë nuk mjafton
as për t'u çlodhur,
as për të dremitur,
java e re vjen
me kalorëset e saj
amazonat mitike,
vijnë dhe ikin
ngasin kuajt nevrikë,
prit e diel të heq heqkat,
prit të mbath këpucët,
jashtë dhe dëborë 
dhe e jetës llucë
kjo e jona rrugë.