Lojë e përditshme shahu - Nga Vangjush Ziko
Shah luajmë çdo ditë,
luajmë me veten tonë,
me gruan,
me fëmijët,
me shokë e miq,
gjithmonë gjendet dikush
që fillon betejën
për gjellën që u dogj në zjarr,
një fjalë thënë pa takt,
për një këshillë
a heshtje pa vend,
për politikën,
fjalët ndeshen me fjalët,
britmat shpërthejnë,
ciflat plagosin mbretëreshën sedër,
nervat kalërojnë të shkumbëzuara
herë si buqefali i aleksandrit,
herë si rosinanti,
dorëzohen kështjellat e darit,
festojnë fitoren mullinjtë e erës,
rrallë ka pat
edhe më rrallë remi,
me vetveten
gjithmonë jemi mat.