Bisedë me veten time – Nga Vangjush Ziko

U thinjëm bashkë

dhe nuk njihemi,

vetja ime,

(sa herë të kam pyetur

dhe s'përgjigjesh),

mos m'u zemëro

për kapriçiot e mia,

jeta është enigmë

dhe as ti nuk je orakulli i Delfit,

me sy jemi

dhe jemi të verbër,

kërkojmë lumturinë

dhe s'e gjejmë,

(a ekziston, vallë),

si ta vras gjarprin

e egoizmit

që më helmon çdo çast,

(s'më përgjigjesh,

e mençura ime),

as ti s'e ke atë shigjetë,

ta ka thyher

kjo botë e gënjeshtërt.