Do të përhumbem sërish në Prishtinë - Nga Erlind Sulko
Do t’i ngjis sërish këto rrugica të ngushta,
të përdredhura si flokët e Asaj.
Me një qen të lumtur dhe bishtlëvizur nga mbrapa
do e vështroj edhe qiellin e përhirtë.
Institucionet shtetërore do t’i pështyj sërish gjatë natës.
Rastësisht do takoj sesbën dikë,
anash trotuareve mbushur me makina.
Do e përshëndes çdo barnatore i gëzuar
edhe nëse dritat i ka të fikura.
Do bëhem mik i ngushtë me dikë në shesh
duke biseduar për libra të vjetër dhe birrën e Pejës.
Të dielën do pi dhallë të ftohtë tek një byrektore
pasi të falem tek Katedralja e Nënë Terezës.
Qoftet e zgarës do t’i ha me epsh,
duke menduar për zjarrin dhe Hegelin.
Do t’i lexoj me kujdes shkrimet e fëmijëve nëpër mure.
Do të përhumbem sërish në këto rrugica dredha-dredha
I dehur me raki arre dhe kajsie.