Krijimtari

Çlodhje e tymosur - Nga Vangjush Ziko

Trokiti përsëri e diela

(endacaku ebre i përjetshëm

mbuluar me pluhur

dhe djersë)

ekranet s'u lodhën së mbllaçituri

tallavatë dhe ngjarjet e javës

(nuk bëmë një herë pushim

siç bëri Zoti kur krijoi botën!),

një thinjë më shumë shtohet

si bryma e vjeshtës,

një rrudhë e re skicohet mbi fytyrë

ku do pengohet java që do nisë,

barbecue-ja kundërmon

në oborrin prapa shtëpisë

me shijen e çlodhjes së tymosur.