Nënokja - Nga Albana Lifschin

Eh, moj e ëmbëla nënokja ime,

ke lidhur duart e rri menduar

vështrimin hedhur përtej dritares,

e di ç'mendon, e di se ç'bluan

 

Dëborë e bardhë në grackë të zuri

qëkur erdhe, e më s'tu nda,

ç'dëborë rënka këtu, moj bijë

Po këtu tek ju, qënka hata!

 

Mbeskat cicërojnë në telefon

Na mori malli o nëna, ku je?

Ti ditët me gishtrinj u numëron

Ja erdhi nëna o shpirt atje.

 

Ditët e kthimit numëroj edhe unë,

si do më ikësh kaq shpejt kështu?

Kaq pak do rrish o nënë me mua?

Pangopur mbeta nga xhanet e tua

 

Kokën në prehër ma merr si at'her,

Djal' i nënës, ty të ka nëna trime,

për ty jam e qetë, me ty u çmalla,

Në Tiranë më presin Xhulia, Ana…

 

Janar, 2001, Bruklin, Nju Jork