E dashur milingonë - Nga Artan Gjyzel Hasani

Atdheu është një shaka e hidhur

që bënë me ty kur ishe e vogël…

e kishin fjalën për Atdheun e tyre

dhe kur u rrite e kuptove që Atdheu yt

ishte një gënjeshtër…

Atdheu është një ndërtim pa leje

i shqyer dyersh e kanatash…

Atdheu është Kullë e Babelit

që shembet e ngrihet përditë

gjithmonë nga një më i fortë se ty

që mbi Mëmëdheun tënd Përdhes

do të ndërtojë

Atdheun e tij 100 katësh...

nga lartësia e tij

ti nuk do të dukesh fare

por kur mos te kesh tjetër rrugë

rritu

rritu

rritu

bëhu më e madhe se këpuca e tij

dhe kjo eshte e vetmja zgjidhje...

©Artan Gjyzel Hasani