Duke pritur semaforin jeshil - Nga Vangjush Ziko

Ec rrugës me këmishë të larë

në lavatriçen e shpirtit,

hekurosur me hekurin e nxehtë të moralit,

me parfum të markës moderne parfumuar.

Hijen ma shkelin kalimtarët,

zogjtë indiferentë ma ndyjnë

me glasat e tyre,

hijet e blerta të pemëve

përpiqen të ma ngjyejnë

me ngjyrën e pranverës.

Në udhëkryq,

duke pritur semaforin jeshil

të lumturisë,

thinjen mendimet

dhe pasionet e mia.

©Vangjush Ziko