Mbrëmjet e Tiranës - Nga Kastriot Fetahu

Kastriot Fetahu - Chicago, SHBA

 

Nuk i harroj dot, mbrëmjet e Tiranës,

Nuk janë si "Podmoskovnije Vjeçera",

Kafet, rrëmujat, shëtitjet anës Lanës,

Kaq të zhurmëshme, Moska, nuk i ka.

 

Nuk i harroj dot, mbrëmjet e Tiranës,

As në Chicago, nuk janë ato ashtu,

Pasion mesdhetar, jo aromë oqeanesh,

Feniks apo Hermes, fluturoj për tek ju.

 

Nuk i harroj dot, mbrëmjet e Tiranës,

Muzikë, lokale, mes njerëzish në bllok humb,

Dëgjohet Beethoven, deri tek kënga e Tanës,

Natën në fundjavë, Lana të duket Danub.

 

Sa mall kam, për mbrëmjet e Tiranës,

Zogjtë në të njëjtat vënde, kthehen përsëri,

Dielli nuk ndriçon, si në vëndin e Nënës,

Si meteor nga qielli, më prisni, do të vij.

(Chicago, 11 Prill 2021)

©Kastriot Fetahu Foto: Arend Rada