Panamaja ime - Nga Artan Gjyzel Hasani

sot 60 vjeçar ngjasoj me Panamanë

dhe jo rastësisht ndodhem këtu mes vizitorëve

në vendin ku për të bashkuar dy oqeane

u desh të ndahen dy kontinente…

dheu dhe uji

dashnorë armiq

besnikë të njëri-tjetrit

bashkë në dashuri

bashkë në urrejtje…

ndërto Panamanë tënde edhe ti

harroji urat

janë jashtë mode

u përkasin spektatorëve…

duhet hapur një kanal diku mbi zemër

dhe kontinentin e vjetër të vetes ta ndash vendosmërisht përgjysëm

për të bërë bashkë

dheun dhe ujin

kujtimet e të dyve

dhe…

…mirësevjen në Panamanë time!

se një gjashtëdhjetëvjeçar si unë

është dy:

ajo që bëri

dhe çka pa bërë i mbeti…

Panamaja është ndarja

që të bashkon përjetë

me veten

me tjetrin…

(nga vellimi poetik "IDIOTICUS", 2022)

©artangjyzelhasani