Krijimtari

Mëngjes i qytetit me kalldrëm - Nga Vangjush Ziko

Mëngjesin

ma lajmërojnë makinat

që zgjohen me zhurmë nga gjumi.

(Këndezat u therën

dhe u zjenë në tenxheret me presion).

Rrezet e diellit të dytat

më trokasin në ballkon.

Rendin fëmijët zhurmshëm

me çantat e shkollës pas shpine.

dielli ua mbush me dritë.

Pensionistët, pa gdhirë mirë,

presin të marrin

thërrimet e pensionit që hoqën nga goja

për këtë dimër të thinjur.

Tavllat e pastruara të kafenesë

presin hirin e ri

të halleve të vjetra.

Në pangarin e kishës përbri

ndez një qiri jeta.

©Vangjush Ziko