Shekull jetimësh - Nga Vangjush Ziko

Shekulli i gurit

zu myshk,

i bronxit u ndryshk,

i hekurit u ronit nga shpatat,

mermeri nga shtërngatat.

Shekuj me kryq,

shekuj me hënë të ngrënë,

gjurmë drite,

gjurmë gjaku pas kini lënë.

Shekull jetimësh

(alias birësimesh)

birëson fëmijët,

çbirëson pleqtë,

në ankand njeriu

dhe liritë,

shtetet vetë,

për një vizë,

për një kuletë.

shekull kallp,

a i vërtetë!?

©Vangjush Ziko