Trungu - Nga Artan Gjyzel Hasani

gjetherënë dhe degëprerë

rrënjëdalë dhe i tharë…

nuk ia ka frikën asnjë stine

nuk e tundon më asnjë erë

i padëmshëm… i pavlerë…

derisa dikur…diku…dikush

do të ndezë një zjarr me të

një zjarr pa flakë

ku do të ngrohen pa u djegur

udhëtarë të lodhur nga jeta

me supet si gjethe të rëna

krahët si degë të prera

këmbët zvarrë si rrënjë të dala

dhe sy të tharë nga mospritja…

 

©artangjyzelhasani 2022