My sweet Lord - Nga Artan Gjyzel Hasani

do të vdesim dhe nuk e dimë

si do të na vejë halli paskëtaj

dhëntë Zoti të mos kemi

fatin e Jezuit

se kush rri e merret nga e para

me maskarenjtë dhe idiotët

do të na dhembin përsëri sytë

e as nervat nuk na mbajnë…

do të ringjalleshim të gjithë njësoj

dhe të tjerë nuk do të kishte

të pavdekshëm dhe të mbushur me dritë

do ta ndriçonim veten aq shumë

sa botën do ta mbulonte errësira

dhe Zoti do të kishte ftohtë…

(nga “FATA MORGANA”, 2023)

© Artan Gjyzel Hasani