Psalm - Nga Vangjush Ziko

S'kam qenë në mal të shenjtë,

as stërnip i davidit s'jam,

as profet,

jam biri i shekullit

që me plagë të hapura iku,

tjetri me trauma nisi.

Psallt në tempullin tim

tempull i thjeshtë

pa kollona mermeri

veç me ikona poetësh,

kupola e tij

me frymëzim të plumbtë veshur,

si parzmore luftrash

zbukuruar me vetëtima

rimash të prushta,

që ndizen dhe shuhen,

vishen me hi,

zemra ime-këmbanë

(as bronx, as hekur).

Këndoj psalme për botën

dhe fatin tim

mbështjellë me mjegull.

Amin!

© Vangjush Ziko