Shqipëria, ç’është e ç’do të bëhet - Nga Armenida Qyqja

Në mes të sheshit keni mbetur vetëm,

Mbi pllajën e betontë dhe smog,

Monument për turistët, shkrepje aparatesh,

Azilantët që kërkojnë një qoshe vend...

 

Një heshtje-mort mbëthen grykët e pushkëve,

Për gjëmën, kujt t'i shprazen sot?

Me miq-armiq mbushur plot zyra e bare,

Dhe një popull që udhët merr me lot...

 

E helmët kafeja Bej, vrer,

Një vrer që ende kundërmon!

“Shqipëria, ç'është e ç’do të bëhet”

Një helm, që helmit ia kalon...

 

© Armenida Qyqja - Vancouver, korrik 2023