Kur mëson… - Nga Artan Gjyzel Hasani

…si ta pranosh urrejtjen e tyre

dhe si ta lësh dashurinë tënde

je rritur mjaftueshëm

për të mos u lënduar

dhe fal copëza të vjedhura qielli

për zogj që kanë humbur shtëpinë

tek dera e së cilës trokisje veç ti

ditëve që tashmë kanë shkuar…           

ajo vjen kur ti je plot dhe hyn pa të pyetur

derdh jashtë teje gjithçka që ishte aty më parë

dhe kur ikën të lë bosh

zbrazëtia perfekte e kumbimit

dhe duke u përpjekur ta mbushësh

me çfarë të del përpara

ti zbrazesh nga vetja

si drita nga sytë e të verbërit

për t’u mbrojtur bëhesh i padukshëm

si loti kur rrëshqet në fytyrën e atij

që pasi është lagur mirë nga jeta

ka vendosur të endet gjatë nën shi

por dashuria nuk është mbushëse boshllëku

është një diamant i humbur në gjoksin e tjetrit…

(nga "FATA MORGANA", 2023)

© artangjyzelhasani