Kur plakemi… - Nga Artan Gjyzel Hasani

…dhe nuk kemi më frikë nga e kaluara

dhe kosa e të ardhmes na pret aty

pas derës së banjës

kuptojmë që nuk jemi ata që kujtuam se ishim

por jemi ata që s’deshëm

nuk jemi çfarë mësuam

por jemi çfarë pësuam kur u ndeshëm

nuk jemi çfarë dashuruam

por çfarë nuk mundëm dot

nuk jemi çfarë lexuam

por çfarë shkruajtëm kot

nuk jemi çfarë dhamë

por jemi çfarë mbesim

dhe nëse jeta qënka ushqimi i shpirtit

në pleqëri nuk jemi çfarë hamë

por jemi çfarë dhjesim…

(nga vëllimi poetik “LIBIDO” 2024)

©artangjyzelhasani