Vitri(na) - Nga Artan Gjyzel Hasani

ai vjen dëborë i bardhë përherë

dhe për arsye higjienike

ne na gëzon ardhja e tij

siç dimë do të fillojmë ta nxijmë

me shpresë se vetet tona do të zbardhim

në mos këtë herë, në vitet që vinë…

do të ulemi këmbëkryq nëpër kalendarë

do të luajmë kumar me datat

ditëve të bukura do t’u vëmë emrin tonë

të këqijave emrat e tyre

bie perdja dhe paqja

do dalim në vitrinë të hedhim fishekzjarrë

në mëngjes nuk do të mbajmë mend asgjë

do të ngushëllohemi me atë që mbetet

netët nuk shënohen nëpër kalendarë

dhe kujtimet janë një kishë që i është thyer kambana

nga besimtari që veten dhe Zotin do të harrojë

por në thelb asgjë s’ka ndryshuar

ditët e javës janë djem që nguten për në vendin e gabuar

dhe e Diela është një vajzë që s’di nga të shkojë…

(nga vëllimi poetik “LIBIDO” 2024)

©artangjyzelhasani