Bumerangu i zgjuarsisë - Nga Artan Gjyzel Hasani

boll u hoqëm si të zgjuar

se njerëz jemi edhe ne

na kanë bërë budallenj dhjetëra herë

idiotët që mbajtëm pranë

dhe djepin e madhështisë na e kthyen në varr

sa herë që menduam se ishim mermer…

ne dimë veç atë që duam të besojmë

ndërsa veten flladisim në erë

dhe lehtësisht harrojmë

në kovaçhanën tonë

kudhra është e jetës

çekiçi i atyre

që të pamençur një jetë të tërë i ditëm

dhe statujëzat tona prej balte na i ngritën

sa herë që menduam se ishim mermer…

(nga vëllimi poetik “LIBIDO” 2024)

©artangjyzelhasani