Mesdita në Toronto - Nga Visar Zhiti

Mesdita në Toronto

rrjedh nëpër xhamat e kullave të larta

si ujvarë qytetare, e kaltër, e kaltër.

Kumbimet e kambanave të Katedrales

flatrojnë rreth nesh - pëllumba flladesh.

Po kur të mbarojë shishja e verës

në tryezën tonë në rrugë, këtu poshtë pemëve?

Dielli - kamerier do na i mbushë gotat me dritë

si me dëshira të reja.

Dashuria nuk është kujtim, do të thosha,

të shtrëngon dorën poshtë tryezës,

e ndjeshme si mesdita në Toronto.

© Visar Zhiti