Kartolina ime - Nga Vangjush Ziko

Do themi “dje”

për vitin që lemë pas,

viti që troket

vetëm datën e lindjes

nuk do na ndryshojë,

të tjerat

do të bëhen ujem,

dhimbjet (patjetër) do t'i kujtojmë,

gëzimet harrohen (për çudi)

si fishekzjarrët e ditës së festës,

e djeshmja dhe e nesërmja

motra dhe thjeshtra janë,

vetëm një gjë (me siguri)

nuk do ndryshojë:

zemra që kurrë s'gënjen

dhe ëndrra që adhurojmë.

GËZUAR 2020 MIQ !