CORONAKARMA - Nga Artan Gjyzel Hasani
- Nga: Artan Gjyzel Hasani
as tani nuk e kupton, o njeri,
as tani që u trondit nga themelet Bota?
është karma çfarë po ndodh me ne
është vullneti i Saj, i Tij
i Zotit që zumë me gurë
i Natyrës që dikur e quanim “Mëmë”
dhe e vumë poshtë për ta përdhunuar…
inçesti ynë i përditshëm që lind monstra…
karma për miliardat atomike dhe luftërat e pafund
karma për mjekun që vdes në betejë kundër krimin tuaj
karma për sheikët dhe naftën që ua zëvëndësoi gjakun
karma për turpin e qytetërimit, Dhimbjen e Zezë, Afrikën
karma e miliona jetëve që shuhen për një pikë ujë
karma për pyje të djegur dhe për miliona katërkëmbësha
fqinjët tanë të pafajshëm që nga ty u bënë hi
karma për revolverët që zëvëndësuan lodrat
karma për fëmijët që nuk kanë më babë e nënë
por kane prindër nr. 1 e nr. 2
karma për ata që shkuan përtej binarëve
karma për Sodomat dhe Gomorat moderne
karma për idiotët krenarë që sa vijnë e shtohen
karma për mëndjebythëhapurit dhe indiferentët
karma për shkencën brilante që nuk zhduk varfërinë
por gruas i vë një penis dhe e bën burrë
dhe në gjoksin leshator të koqeprerit mbjell gjinj …
karma për egot dhe dëshirat tona të shfrenuara
për epshet tona drejt lavdisë, triumfit, parasë
karma për duartrokitësit e paguar dhe trushplarët
në mëngjes Abelë, Kainë në muzg
ngritëm dolli për delen Dolly
pa e kuptuar që ne ishim ajo
dhe erdhi një kohë kur Mbinjeriu i laboratorëve
pushtoi Galaktikat, mposhti Zotat
dhe pastaj u tërhoq zvarrë nga një virus
I bëtë të gjitha…
nga Bir i Natyrës dhe Rob i Zotit
u bëtë Skllav i Silikonit dhe Pjellë e Djallit
Çfarë iu ka ngelur akoma?
Deshët të ishit Zotër mbi Zotin dhe Natyrën
Mbi Diellin, dhe Shiun, Dheun dhe Ujin
Rrufetë dhe Dëborën, Kohën dhe Hapsirën
dhe nën sundimin tuaj i gjithë njerëzimi?
Ja, u bë vullneti juaj, o mëndjendyrë,
dhe mbi kokat tuaja djallëzore
Karma vuri Kurorën…
dhe ky është veç fillimi…
(nga vellimi poetik "IMORALISTI", 2020)
©Artan Gjyzel Hasani