Kulla e Pizës - Nga Vangjush Ziko

Ec një jetë të tërë,

hija ime më ndjek si qenush

e nuk leh,

e përse të lehë

edhe unë ec e nuk ankohem

as nga pluhuri i udhëve mbi supe,

as nga stërkalat e dallgëve në sy,

mjegullat më thinjën,

pesha e fatit

ma zhvendosi qendrën e rëndesës,

(punë e madhe)

edhe kulla e pizës

qëndron kaq shekuj mënjanuar

dhe nuk bie,

do ecim qenushi im

gjer në fund

si kjo kullë

duke iu falur zotit.

©Vangjush Ziko