Tingëllimë për shkronjën D - Nga Flurans Ilia

Vargjet e frutave të thara

ABC-ja e shkuar në spango

Oshafkë shkronjat në valle

Përpjekje për të shkruar

Gjuhën e një bote me halle

Nuk ke pse mendohesh më

Ajo që vijon është germa D

Pas një dardhe shfaqet

Drini midis dy diejve

Poezi e kaosit

Gjendje e paqme e lëngëzuar

Trajta e lëndës së shkruar

forca e fërkimit

PLUSKIMI

Të gjithë trëndafilat

Të drejtojnë drejt

Tokës që kullon

Shenjtëri trëndafilash

Tani nuk ke pse qahesh më

Zahireve të dimrit u shtove

Shkronjën D

Dynden ditët, D-ja tjetërsohet

Si një D-Day, ditë pas dite dendësohet

Bëhet armë memece

Komerdare zisi

Bukëpeshku e vjedhur

Shkumëdeti shpirttrazuar

Tallaz, te kjo arrati në ajrí

Trualli i gjuhës bëhet poezi

Dhe qielli yt nuk qahet më

Mbledh tingëllima nga fjalët me D

©Flurans Ilia