Elegji - Nga Artan Gjyzel Hasani
bijtë ua shqyen fustanet bijave
dhe në grup i përdhunuan…
tashmë familja është një fjalë e pastrehë...
banon në fletën e grisur të fjalorit...
dhe shoqëria civile
kjo hije e horrit
shkëlqen pankartave
veç kur e paguajnë...
nëna nuk ka më,
mbaruar kanë,
e fundit në Instagram u gjet e vdekur
rënë heroikisht duke bërë një selfie...
nga istikamet e Facebook-ut
etër leshatorë
me raki dëllinje
dhe këngë trimërie
mbuluar shqiponjash
mbrojnë lahutën
dhe
fustanellën...
©artangjyzelhasani 2019