Krijimtari

Dehja - Nga Artan Gjyzel Hasani

…është një siklet i fisëm

që ndodh gjithnjë në kohën e duhur...

i paqëllimtë si vështrimi

nxjerr jashtë të fshehtat e shpirtit

pa u ndjerë kurrë fajtor

kur në shoqëri me veten pimë Martini

thyejmë pasqyra dhe flasim marrina

mallkojmë pranverat e jetës të shkuara dëm

i quajmë kurvicka

dhe

per të përkëdhelur kotësinë tonë të sofistikuar

biem dakord

që lulet më të bukura çelin në dimër

dhe vdesin tërë delikatesë nga mërzia

se nuk ka kush t’i tradhëtojë

ashtu të fshehura nën dëborë

të lodhura

si krahu i pritjes nën jastëkun

ku më pas do vërë kokën udhëtari

që duke ndezur urët e lagura të zjarrit

djeg padashje fatin e vet...

(nga vellimi poetik "IMORALISTI", 2020)

©artangjyzelhasani