Më jepni - Nga Vangjush Ziko

Më jepni një gur të skalitur

të ngre buzë lumit një qytet,

më jepni një yll të ndritur

kashtën e kumtrit ta zbres

si koshere të roitur,

më jepni një fjalë të përmalluar

t'ju shkruaj poemën

e shpirtit të mërguar,

më jepni një pikë qumështi

nga legjenda e murosjes

t'ju ngre urën e besës,

më jepni brinjën

e një trimi të varrosur

t'ju farkëtoj kyçin e përjetshëm

të fortesës.

Vetëm mos më jepni

një premtim që ndryshket

se të tëra përmbysen.

©Vangjush Ziko