Trau i dëshirave - Nga Artan Gjyzel Hasani

idetë janë si lepujt

sa më shumë frikë të kenë

aq më shumë shtohen

nga mendja zbresin në gjoks

dhe bëhen dëshira

të etura

të verbëra

udhëhumbura

të hutuara zbresin teposhtë

avull mbi trup

zjarr nën lëkurë

me nxehtësinë e tyre

e zgjojnë nga gjumi…

ai ngrihet

ato kalojnë

dhe unë i çlodhur për vdekje

nga kjo raskapitje kapitëse

ndez cigaren e famshme…

©Artan Gjyzel Hasani