Duke pritur veten - Nga Artan Gjyzel Hasani

kur vonohemi të gjejmë veten

humbasim të tjerët

dhe mbetemi bosh…

mungesë absolute e peshës

që ngatërrohet shpesh me lirinë

limuzinë luksoze ku udhëtohet vetëm…

por ndodh që veten tonë

e gjejnë të tjerët

na e sjellin në tabaka

kur është shumë vonë

nuk ke kohë të njihesh me të

dhe e pranon ashtu të panjohur

si një martesë me mblesëri

në pleqëri të thellë

nga e cila mund të lindë

një fëmijë i verbër

dhe i lumtur…

(nga vëllimi poetik “IDIOTICUS”, 2022)

©artangjyzelhasani