Zbuloni inteligjencën e fëmijës suaj!

Jemi familjarë të gjithë me shprehjen “Sa fëmijë i zgjuar / inteligjent”. Por cilën nga llojet e inteligjencave kemi parasysh  kur identifikojmë një fëmijë si inteligjent? Janë më tepër se 8 lloje inteligjencash. Lum kush i ka të gjitha, ose mjerë ai që i ka. Ndonjëherë nuk lipset inteligjencë e lartë për të patur sukses në ditët e sotme. Megjithatë mirë është ti njohim llojet e inteligjencave në mënyrë që të mos mërzitemi shumë nëse fëmija ynë nuk këndon bukur, ose nuk ka qejf të luajë me puzzle. Ndoshta ai është i zoti me fjalën? Le ta zbulojmë!

   

Inteligjenca Verbale /Linguistike 

Fëmija bën shumë pyetje

I pëlqen të flasë

Ka një fjalor të mirë

E kap me lehtësi gjuhën e huaj

Kënaqet me lojra fjalësh

Kënaqet kur lexon

I pëlqen të shkruajë

I kupton  funksionet e gjuhës

Mund të bisedojë për aftësitë gjuhësore

Mban mend emrat,vendet, datat 

Inteligjenca Logjike /Matematikore

Kënaqet kur zgjidh pazëll

Luan me numrat, bën llogari

Dëshiron të dijë se si funksionojnë gjërat

Është i orientuar kundrejt aktiviteteve me bazë  rregullin

Është i interesuar në llogjikën “nëse…atëherë”

I pëlqen të koleksionojë dhe klasifikojë gjëra

Është analitik në trajtimin e problemeve

Ka rezultate të mira në matematikë, arsyetim, llogjikë dhe zgjidhjen e problemeve

Inteligjenca Vizuale /hapësinore

I pëlqen të ngasë makina

I pëlqen ti ndajë gjërat vec e vec

I pëlqen të ndërtojë, krijojë

Kënaqet me puzzle

Ka një sy vëzhgues për detajet

Ka një sens të mirë të dallimit të pjesës nga e tëra

Ka aftësi mekanike

I mban mënd vendet përmes përshkrimit ose imagjinatës

Mund të interpretojë harta

Kënaqet nga orientimi

Është i mirë në imagjinimin e gjërave

 

Inteligjenca fizike/ kinezike

Ka një sens të mirë në balancimin

Ka sens të mirë për ritmin

Është i admirueshëm në lëvizje

Lexon gjuhën e trupit

Ka koordinim të mirë sy-dorë

Mund ti zgjidhë gjërat duke i bërë ato

Mund të komunikojë ide përmes xhesteve

I manipulon objektet me lehtësi si topin, gjilpërën

Është i zoti në aktivitete fizike ( sport,  vallëzim, aktrim) 

Inteligjenca muzikore/ ritmike

Është i ndjeshëm ndaj tingullit

I këndon tingujt që dëgjon

Mban ritmin

I dallon tingujt

Ka një sens të mirë të tonit, zërit, lëvizjes

Lëviz në mënyrë ritmike

Kërkon dhe shijon muzikën e mirë

Luan me tingujt

I mban mend meloditë që dëgjon

Inteligjenca interpersonale

Shfaq empati kundrejt të tjerëve

Admirohet nga moshatarët

Krijon marrëdhënie të mira më shokët dhe të rriturit

Shfaq aftësi lidershipi

Punon në bashkëpunim me të tjerët

Është i ndjeshëm ndaj ndjenjave të të tjerëve

Vepron si këshillues ose ndërmjetës për të tjerët

I kupton njerëzit

Është i zoti për të organizuar komunikime dhe ndoshta edhe ti manipulojë të tjerët.

Inteligjenca Intrapersonale/emocionale

Mund të shprehë pëlqimin ose mospëlqimin për aktivitete të vecanta

Mund të komunikojë ndjenjat që ka

Është i ndërgjegjshëm për pikat e forta dhe të dobëta të tij

I beson aftësive të veta

Vendos qëllime të arritshme

Punon me ambicie

E kupton veten dhe fokusohet në ndjenjat dhe përjetimet e veta

I ndjek instinktet e veta

Është i zoti për të ndjekur  interesat dhe qëllimet e tij

I pëlqen të jetë origjinal 

Inteligjenca natyraliste

Krijon marrëdhënie të mira me natyrën

Gjen lidhje mes vetes dhe natyrës

Njeh bimët

Identifikon mineralet

Pëlqen të mësojë mbi kafshët

Pëlqen të mësojë në natyrë

Zhvillon interesa për botanikën,

 

Inteligjenca ekzistenciale

Ka kuriozitet për ekzistencën njerëzore

Bën pyetje të thella lidhur me jetën dhe vdekjen

Shfaq të menduar reflektues dhe abstrakt

I pëlqen të mësojë për njerëzimin duke e parë si një foto të madhe të ekzistencës. 

Zhvillon interesa për politikën, teologjinë, filozofinë

 

 ©FlasShqip.ca