Fëmijët e Diasporës: Sidrit matematicieni

Përgatiti: David Shkurti

Në këtë periudhë kur i madh e i vogël ndodhen mbyllur në shtëpi duke pritur ditë më të mira të vijnë, FlasShqip ka ftuar fëmijët/adoleshentët e diasporës shqiptaro-kanadeze, t’i përgjigjen pyetësorit "Fëmijët e Diasporës", një format standard me 31 pyetje. Qëllimi nuk është aspak t’i lodhim e t’u japim detyra shtëpie në shqip, por t’i angazhojmë pak nga pak në një media komunitare për t’u njohur me njëri-tjetrin. Le të shohim një pas një kush janë fëmijët/adoleshentët shqiptarë që jetojnë në Kanada dhe çfarë mendojnë ata. Falenderojmë prindërit për bashkëpunimin dhe fëmijët/adoleshentët për seriozitetin dhe çiltërsinë.

Pyetje 1:  Kush je ti, ku ke lindur dhe ku banon ?

Unë quhem Sidrit. Kam lindur në Elbasan, Shqipëri dhe banoj në Toronto.

Pyetje 2: Në ç’klasë je?

Jam në klasën e 7-të.

Pyetje 3: Cili është hobi yt dhe lëndët e preferuara në shkollë?

Hobi im është sporti në përgjithësi dhe basketbolli në veçanti. Lëndët; Matematika dhe edukimi fizik.

Pyetje 4: Çfarë mendon për shkollën kanadeze?

Më pëlqen edukimi në Kanada pasi i mëshohet kohë si mësimeve ashtu edhe argëtimit dhe sporteve. Në kaq pak vite këtu, jam bërë pjesë e shumë skuadrave në shkollë dhe brenda pak kohësh i bie violinës dhe kemi dhënë koncerte bashkë me klasën.

Pyetje 5: Çfarë ke menduar të bësh pasi të mbarosh gjimnazin ?

Mendoj të vazhdoj Universitetin.

Pyetje 6: Po ëndrra jote më e madhe cila është?

Të bëhem matematicien.

Pyetje 7: Ma përshkruaj veten pas 10 vjetësh, në aspekte të ndryshme të jetës.

Me një diplomë në xhep, në hapat e para të karrierës, duke shijuar pavarësinë ekonomike por edhe duke marrë përgjegjësitë e nevojshme!

Pyetje 8: Cila është fjala ose shprehja më e pëlqyer në gjuhën shqipe?

Edhe 5 minuta.

Pyetje 9: Cilën fjalë apo shprehje përdor më shpesh në anglisht?

Wait a minute.

Pyetje 10: Më identifiko një nga tiparet e personalitetit tënd që të bën të ndihesh më shumë shqiptar/e?

Dëshira për të pasur sa më shumë miq e për të kaluar sa më shumë kohë me ta.      

Pyetje 11: Ç’lloj punësh shtëpie bën?

Rregulloj dhomën time dhe hedh plehrat.

Pyetje 12: A kërkon të shpërblehesh për këto punë? Pse?

Jo, sepse edhe unë duhet të kontribuoj në shtëpi.

Pyetje 13: Ka ndonjë gjë që nuk të pëlqen te shqiptarët?

Nuk më vjen ndonjë gjë ndër mend.

Pyetje 14: Çfarë të ka bërë përshtypje kur ke shkuar në Shqipëri?

Ka shumë rrëmujë krahasuar me këtu. Por ka më shumë njerëz në rrugë dhe janë më të dashur.

Pyetje 15: Më thuaj një të drejtë që duhet ta kesh sipas teje por që të shkelet.

Nuk më vjen ndërmend asnjë.

Pyetje 16: Kujt do t’i ankoheshe nëse do kishe ndonjë problem?

Prindërve.

Pyetje 17: Më thuaj një libër për fëmijë që do doje ta lexoje në shqip?

Përrallat e moçme shqiptare.

Pyetje 18: Si e kaloje kohën e lirë para Corona Virus?

Zakonisht isha pjesë e ekipeve të shkollës për sporte të ndryshme, si basketboll, futboll, volejboll. Ndërkohë 2 herë në javë shkoja në klasën e bashketbollit ku bashkë me ekipin tim fituam turneun e basketbollit në Etobicoke për moshat 12 vjec.

Pyetje 19: Po tani çfarë bën gjithë ditën në shtëpi?

Bëj mësime online, bëj detyrat ekstra që më jep mami, dhe në kohën e lirë ose luaj PS4 ose me motrën dhe prindërit e mi.

Pyetje 20: Ke frikë se mos sëmuresh ?

Jo.

Pyetje 21: Çfarë të ka bërë më shumë përshtypje gjatë kësaj periudhe kur gjithë bota ka të njëjtin hall ?

Se si një virus ka sjellë kaq shumë probleme dhe ka mbyllur në shtëpi gjithë botën.

Pyetje 22: Cila është frika jote më e madhe?

Të humb njerëzit e mi të dashur.

Pyetje 23: Kur të ndodh diçka e bukur, si e shpreh gëzimin?

Buzëqesh.

Pyetje 24: Pse shumica e të rriturve duan të kenë fëmijë?

Sepse fëmijët të japin gëzim.

Pyetje 25: Sa fëmijë duhet të ketë një familje?

2 fëmijë.

Pyetje 26: Më shoqëro me fjalën e parë që të vjen në mendje fjalët:

Motra-Lodra

Qiell-Blu

Vëllai-S’kam

Shkollë-Matematikë

Shok-Basketboll

Internet-PS4

Libër-Harry Potter

Bukë-Pica

Pemë-Gjethe.

Pyetje 27: Pse disa të rritur kanë mall për fëmijërinë dhe thonë “Ah sikur të isha edhe një herë në atë moshë!

Sepse nuk do të kishin përgjegjësitë që kanë.

Pyetje 28: Çfarë i streson më shumë të rriturit?

Pasiguria për të ardhmen.

Pyetje 29: Çfarë i mërzit më shumë fëmijët?

Të mos marrin atë që duan.

Pyetje 30: Çfarë këshille do t’u jepje të rriturve që po të lexojnë? Po fëmijëve?

Mos të mërziten dhe të kenë durim sepse gjërat do të kthehen në normalitet.

Pyetje 31: A do doje të publikoje një shkrim tëndin në portalin FlasShqip?

Për momentin më pëlqen më shumë të lexoj sesa të shkruaj.

 

Shënim:

Të dashur prindër dhe fëmijë, nëse jeni të interesuar të merrni pjesë në rubrikën “Fëmijët e Diasporës”, lutemi na kontaktoni në Questo indirizzo email è protetto dagli spambots. E' necessario abilitare JavaScript per vederlo. ose në faqen tonë në Facebook. Intervistat e fëmijëve do të jenë një kujtim i bukur për ta kur të rriten. Faleminderit!

©FlasShqip.ca