Vangjush Saro – Festë në errësirë

Festë e madhe po bëhet në park,

mbledhur brumbuj e insekte gjithfarë,

trokasin gotat e vijnë përqark;

për atë Zot, gosti e rrallë.

Megjithatë diçka nuk vete,

ndërkohë që afrohet errësira.

Një zë i fortë shkund bar e gjethe:

“Ç’na bëtë kështu, o humbësira?!

Dërgoni fjalë, të vijnë xixëllonjat

të ketë dritë, se u bë vonë

edhe për pak na u prish prish festa

e gratë do na vinin brirë.

Kush dreqin i ka bërë ftesat?”

Askush nuk flet në errësirë…